Həyat fəlsəfəsinə gedən ən geniş yol ədəbiyyatdan keçir. - Dədə Turxan
Ədəbiyyat – əbədiyyəti ana, anı əbədiyyətə çevirir. - Dədə Turxan
Elmi ədəbiyyat insanları nadanlıqdan, bədii ədəbiyyat isə kobudluq və bayağılıqdan xilas edir. - N.Q.Çernışevski
Təbiətlə insan qəlbi arasında körpü rolunu oynayan birləşdirici bir aləm də vardır. Bu, ədəbiyyat və incəsənətdir. - Dədə Turxan
Ədəbiyyat dünyanı insan qəlbinin işığı ilə nurlandırdı. - Rabindranat Taqor
Kişilər şeir yazarkən qadınların gözəlliyindən ilham alarlar.qadınlar eşq şeiri yazacaqkən isə qarşılarında kişilər vardır. - Əbdülhaq Hamid
Ədəbiyyat, insanların bir-birlərini daha yaxşı başa düşmələri üçün bir yol, həmçinin mədəniyyətlərin birgəliyi və vəhdəti üçün əvəzolunmaz körpüdür. - Mehmed Uzun
Mütaliə insanı kamilləşdirir, onun nitq qabiliyyətini inkişaf etdirir. - Frensis Bekon
Əgər bizim uşaqlar əsil təhsil almaq istəyirlərsə, onlar mütaliə ilə təhsil almalıdırlar. - Nikolay Çernışevski
Mütaliə ən yaxşı təlimdir. Böyük adamın fikirləri ilə məşğul olmaq ən maraqlı elmdir.- Aleksandr Puşkin
Yaxşı bədii əsər oxucunun hislərinə, düşüncəsinə təsir edir, onu hərtərəfli zənginləşdirir.- İlyas Əfəndiyev
Bədii əsər oxucuda gözəl hislər yaradır, həyatı, insanları başa düşməkdə ona kömək edir. - Fikrət Qoca
Qadınlarla bağlı edilə biləcək üç şey var; Onu sevə bilər, onun üçün əzab çəkə bilər, ya da onu ədəbiyyata çevirə bilərsən. - Henri Miller
Ədəbiyyat, bizə yaşamadığımız, yaşaya bilmədiyimiz ya da yaşayıb da fərqinə varmadığımız həyatları hədiyyə edir.- Mehmet Eroğlu
Xoşbəxt ailələrdə böyəməyən gənclər üçün ədebiyyat ən gözəl sığınacaqdır. - Əlif Şəfəq
Elə adamlar axtarın ki, onlarla söhbət yaxşı kitaba bərabər olsun. Elə kitablar da axtarın ki, mütaliəsi filosoflarla söhbətə dəysin.
Bədii ədəbiyyatın tərbiyəvi əhəmiyyəti olduqca böyükdür. Ona görə ki, bədii ədəbiyyat fikrə və hisslərə eyni vaxtda və eyni qüvvə ilə təsir edir. - Maksim Qorki
Bədii əsərin ömrü onun xalq tərəfindən bəyənilməsindən asılıdır. - Səməd Vurğun
Bədii əsərdə sözlər üçün darısqallıq, fikir üçün genişlik olmalıdır. - Maksim Qorki
Bədii ədəbiyyat oxumaq üçün də vaxt tapmaq lazımdır, yoxsa insanın beyni quruyar. - Sergey Kirov
Mədəniyyəti yüksəltmək, hər şeydən əvvəl, bədii ədəbiyyatı bilməkdir. - Mixail Kalinin
Milləti ədəbiyyat yaradır. - Uilyam Folknel
Hər bir insan öz yaddaşının məhsuludur. Xalqın maddiləşmiş yaddaşı isə yalnız onun ədəbiyyatıdır. Bu mənada ədəbiyyatı xalq yaratmır, ədəbiyyat xalqı, milləti yaradır. - Uilyam Folknel
Ədəbiyyat-xalqın şüurudur, onun mənəvi həyatının diriliyidir. - Vissarion Belinski
Azərbaycan ədəbiyyatı – tarixi, kökü olan bir ədəbiyyatdır. Bayağı ədəbiyyat isə zamanın hökmü ilə ölümə məhkum olur, yəni o ötəridir, əbədi deyil. - İlyas Əfəndiyevin
Ədəbiyyat xalqın maddiləşmiş yaddaşıdır. - Uilyam Folkner
Şifahi xalq ədəbiyyatını öyrənmədən zəhmətkeş kütlənin həqiqi tarixini öyrənmək olmaz. - Maksim Qorki
Ədəbiyyat millətdəki əhvali-ruhiyyənin inikası deməkdir. - Hüseyn Cavid
Gerçək mədəniyyət, ədəbiyyat və sənətdən doğur. - Muhsin Ertuğrul
Hər bir sənətkar üçün mütaliə, müasir elmlərə, dünya ədəbiyyatına bələd olmaq, onun istedadı qədər vacib və zəruridir. - İlyas Əfəndiyev
Kitablar sivilizasiyanın nümunəsidir. Kitabsız ədəbiyyat da , tarix də itər. Həyati incəliklər olan lirika, psixoloji və elmi biliklər mənasız olar. - Henri Toro
Mən başqalarının bağbanlıqla məşğul olduğu kimi ədəbiyyatla məşğulam. - Jorj Sand
Zehnimizi ədəbiyyat dekor edir. - Murat Menteş
Ədəbiyyatın vəzifəsi hadisələri ideyaya çevirməkdir. - Santayana
Öz gerçəyini öz sözləriylə anlayıb açıqlamaq, hər bir namuslu yazarın vicdan borcudur. - Cəmil Məric
Ədəbiyyatda oxşarlığı kopiyalamaqla əldə etmirlər. - Mark Tven
Yazıçı həqiqəti qələmə almalıdır.Yalan kitablara yol tapa bilər, amma heç vaxt ədəbiyyat ola bilməz. Yalan orduları hərəkətə gətirə bilər, bir xalqı aldadıb yolundan sapdıra bilər, hətta özünü "həyat" kimiqələmə verə bilər, amma heç vaxt böyük ədəbiyyat ola bilməz. - Uilyam Folkner
Yalnız bir siyasi sistem var ki, orada yaxşı yazıçının yaranması qeyri-mümkündür. Bu sistemin adı faşizmdir. Çünki faşizm quldurların idarə etdiyi yalançı bir cəmiyyətdir. Bu mənada yalanı ədəbiyyata gətirmək istəməyən yazıçı faşizm rejimində nə yaşaya, nə də yarada bilər. - Ernest Heminquey
Tənqid, ədəbiyyat ve sənət əsərlərinin gözəlliklərini, çirkinliklərini ortaya çıxardan bir elmdir. - Aleksandr Puşkin
Siyasət ədəbiyyata müxalifətdə olduqca, yazıçı həmişə siyasətə müxalifətdə olacaq. - Mixail Bulqakov
Dünyada iki güc mövcuddur: dollar və ədəbiyyat. - Mixail Bulqakov
Bugünkü müharibədə toplar, tüfənglər deyil, hər məmləkətin ədəbiyyat və fəlsəfəsi ilə bəslənən beyinlər də ayrıca haizi-əhəmiyyətdir . - Hüseyn Cavid
Əsgərin silahı tüfəng olduğu kimi, dil də ədəbiyyatçının silahıdır. Silah nə qədər yaxşı olarsa, döyüşçü də bir o qədər güclü olar.
Əsl ədəbiyyat həyati həqiqətləri əks etdirməklə yanaşı cəmiyyəti, xalqı qabaqcıl ideyalarla silahlandırmalıdır, onun azadlıq mübarizəsinə kömək etməlidir: həqiqi şair millət və Vətən yolunda canlar fəda etmək lazım isə vətən oğlanlarının ürəyinə yandırıcı od salıb, onları hər qisim fədakarlığa və cannisarlığa şövqmənd etməlidir. - Firidun
bəy Köçərli
Siyasət rol oynarkən, ədəbiyyat susur. - Hüseyn Cavid
Yalana fəlsəfədə "cəfəngiyyat", ədəbiyyatda "metafora", siyasətdə "təbliğat", ticarətdə "reklam", jurnalistikada "xəbərlər" deyilir. - Ducanə Cündioğlu