Dost yolunda boran olar, qar olar.
Əsl dostu iki əlinizlə birdən tutun.
Eyibsiz dost axtaran, dostsuz qalar.
Doğruluqla dost qapısın dolan gəl öz evin kimi.
Dost ol, vəfalı ol.
Dostun gözündə yox, könlündə ol.
Dost gəlişi bayram olar.
Dost min olar, candan dost olan bir.
Ağıllı düşməndən qorxma, dəli dostdan qorx.
Qanan düşmən qanmaz dostdan yaxşıdır.
Ağıllı düşmən nadan dostdan yaxşıdır.
Dost başa baxar, düşmən ayağa.
İki yaxşı adam düşmən, iki pis adam dost ola bilməz.
Yaxşı gündə düşmən gələr dost olar, igid odur yaman gündə dayansın.
Yaxşı dostu yaman gündə sına.
Dost dosta yaman gündə gərəkdir.
Dost-düşmən qara gündə məlum olar.
Ağıllı dostunu hər zaman xatırlar, ağılsız isə işi düşəndə.
Şeytanın dostluğu dar günlərə qədərdir.
Dost ziyankar olmaz, ziyankar da dost olmaz.
Nə dost kimi dostdur, nə düşmən kimi düşmən.
El malı ilə dost qazanılmaz.
İtlə dost ol, çomağını əlində saxla.
Hər şeyin təzəsi, dostun köhnəsi.
Vəfalı dost yad olmaz, görməsə yüz il səni.
Dostluga Aid Atalar Sozleri
Yeməklə dost olan illərlə küsülü qalar.
Sirrini demə dostuna, dostunun da bir dostu var.
Sirr vermə dostuna, o da deyər dostuna.
Örtülü bazar dostluğu pozar.
Doğru dostluq qərəzsiz olar.
Qarğalarla dostluq edən göyərçinin tükləri ağ qalar, amma ürəyi qaralar.
Dostunu mənə göstər, sənə kim olduğunu deyim.
 |
Dostluq Haqqında Atalar Sözləri
Dostunu mənə göstər deyim necə insansan.
Hər üzə gülənə dost deməzlər.
Dost üzdən bəlli olar, düşmən – gözdən.
Hər gördüyünü dost sanıb, sirrini açma.
Doğruluq dost qalasıdır.
Dostluq Haqqinda Atalar Sozleri
Özünə düşmən öz dostunu itirəndir.
Gərək soyuq günlərdə də, dost salsın dostu yada.
Dəvəçi ilə dost olanın, darvazası gen gərək.
Dostdan özünü qoru, düşmənlə hesablaşmağa nə var?
 |
| Dostluq Haqqında Atalar Sözləri |
Dostun versə qum, Al ovcunda yum!
Barıt ilə odun dostluğu olmaz.
Cahil özünə düşməndir, başqasına necə dost ola bilər?
Arxadan gələn düşmən, üzə gəlincə dost olar.
Dost yolunda əzaba düşənin el içində üzü ağ olar.
Dost min isə azdır, düşmən bir isə çoxdur.
Düşmənin bəlisindən dostun şilləsi yaxşıdır.
Düşməni yumşaqlıqla dost edən ağıllıdır.
Dost dostdan kənar olmaz, aralıqda mərdimazar olmasa.
Düşmənə quyu qazıyınca, dosta ev tikərsən!
Dar yerə min dost yerləşər, bir düşmən yerləşməz.
Ağıllı özünü günahkar bilər, ağılsız - dostunu. - Özbək Atalar Sözü
İkiüzlü adamdan dost olmaz.
Köhnə düşmən dost olmaz.
Dostluqla tutub, düşmənliklə yıxma.